وصفتى لعمل كراوية منحفة جدا وممتازة فى التخسيس وطعمها حلو من لؤلؤة دى طريقة كراوية منحفة من افكارى ودائما بستخدمها
1كوب شاى اخضر هنشترية من العطار ونطحنة فى مطحنة البهارات طحن ناعم
نصف كوب حبة البركة وبردة هنطحنها
نصف كوب نعناع جاف وبردة هنطحنة
نصف كوب ينسون وهنطحنة ناعم
نصف كوب كمون وهنطحنهم ناعم وبكدة دى المكونات الاساسية
ونبدا فى الاشياء الاختيارية لو بتحبيهم ضفيهم ولو مش بتحبيهم مش لازم
ممكن تستخدمى اختيارى اى شيئ من الاتى
لو بتحبى الزنجبيل حطى فنجان واحد زنجبيل جاف مطحون
لو بتحبى القرفة حطى منها فنجان قرفة
لو بتحبى القرنفل حطى معاهم قرنفل مطحون فنجان واحد
وممكن لو مش بتحبى الثلاثة دول بالاش خليكى فى الاساسى
الطريقة ناخد من المكونات ملعقة صغيرة او اكثر او اقل تبع ما بتحبى ونغليهم غلوتين بس ونصفيهم ونحط سكر لو عاوزة وعلى فكرة انا بشرب اى حاجة بالسكر مش بعرف اشرب حاجة سادة ولو مش عاوزة سكر براحتك ادعولى وقيمو الموضوع دا مجهودى الشخصى من لؤلؤة البحار وبس سلاااااااااااااام
نسيت اشربو منها زى ماتحبو هية بتنحف بجد والله ممكن تشربى كوب بعد كل وجبة وممكن تشربى كوب قبل الافطار وكوب قبل النوم وانا كنت بتبع اى واحدة فيهم المهم اشرب منها وخلاص واشربى زى ما انتى عاوزة براحتك خالص
